नमस्कार मंडळी,
“नाते” हा शब्द सर्वसमावेशक आहे. नाते हे केवळ रक्ताचे नसून त्याला अनेक कंगोरे आहेत. आई, वडील, भावंडं, आणि त्या पलीकडची नाती गाण्यात वर्णन केल्या प्रमाणे, जसे भक्ताचे परमेश्वराशी असलेले नाते, गुरु शिष्याचे नाते, मैत्रीचे नाते, कर्मचारी वरिष्ठ यांचे नाते, तसेच मंडळाचे आणि सभासदांचे आपुलकीचे नाते, बरेचदा ही नाती रक्ताच्या नात्यांपेक्षा गहिरी होत जातात, शेवटी अंतरीची खूण पटणे हे महत्वाचे नाही का? सर्वात अलौकिक नाते आत्म्याचे परमात्म्याशी असलेले, यालाच तादात्म्य पावणे असेही म्हणतात.
सहभागाचे नियम :
नावनोंदणीची शेवटची तारीख १५ ऑगस्ट आहे. नावनोंदणीच्या वेळी तुमच्या कार्यक्रमाची गाणी, ग्रुप प्रमुखाचे नाव, दूरध्वनी क्रमांक आणि साधारण आराखडा द्यावा. सर्वात महत्वाचं म्हणजे तुमच्या ग्रुपचे नावही नमूद करावे. दोन कार्यक्रमात सारखी गाणी आल्यास प्रथम नोंदणी केलेल्या कार्यक्रमाला प्राधान्य देण्यात येईल. १५ ऑगस्ट नंतर दोन दिवसात आम्ही तुम्ही दिलेल्या सभासदाला संपर्क करू आणि काही बदल असल्यास सांगू.
आपले फायनल व्हिडीओज आम्हाला ३१ ऑगस्ट पर्यंत पाठवावे. फायनल व्हिडीओज तांत्रिक दृष्टीने आणि सर्व प्रकारे पूर्ण करून पाठवावेत. या तारखेनंतर पाठवले गेलेले व्हिडीओज स्वीकारले जाणार नाही याची कृपया नोंद घ्यावी. व्हिडिओ पाठवण्याची लिंक आम्ही ऑगस्ट १५ नंतर प्रसिद्ध करू.
मंडळी , लवकरात लवकर आपले “नाते” या संकल्पनेवरचे व्हिडीओज आम्हाला पाठवा. आणि सज्ज व्हा, मंडळाच्या आणि आपल्या ऋणानुबंधनाचा उत्सव साजरा करण्यासाठी!
आपली,
ममंसि कार्यकारिणी
Download Member's AppIOS / Android
Established 1994 | UEN S94SS0093G138, Robinson Road, #02-26, OXLEY TOWER, Singapore 068906 Fax # : 63993699
